Se prenuté possa chi che ie residënc tl Südtirol y che à bele cumplì 16 ani canche la/l se registrea.
Tres n sistem de cerduda, na busca a cajo stratificheda, vëniel, canche l tëmp de prenutazion ie passà, cris ora 100 persones. Chëstes forma pona l Forum di 100. La pruzedura de cerduda tën cont dl ses, dl’età y dla rujeneda dl’oma dla persones che à fat dumanda, acioche l Forum di 100 reprejenteie l plu puscibl duta la populazion de nosta provinzia.
Prëibel lecurdëve che i dac che dajëis sëura pra la registrazion curespuende al’aurità. Sce assais da unì crisc ora saral de bujën de ti presenté al secretariat dla Cunvenzion per l’autonomia vosta cherta d’identità o vosta patent per verifiché vosta identità.
Do che la partezipantes y i partezipanc ie unic crisc ora tres la busca publicherà l secretariat dla Cunvenzion per l’autonomia aldò dla trasparënza dl proiet na lista di cumëmbri dl Forum di 100.
